ඝන අඳුර මැදින් ඈතින් පෙනෙනවා වතුරින් පිරුණු වැව හා වැව් කණ්ඩිය මතින් වේගයෙන් ධාවනය වන රථයක එළිය. මම රැඳී සිටින්නේ ඒ
වැවේ ම තවත් අන්තයක.
අහසේ දිලෙන තරු කැට සොයමින් ම මගේ සිතුවිලිත් ඒ සමගම දිව යනවා ඒ වේගයෙන්ම අතීතය හා වර්තමානය අතර දෝලනය වෙමින්.
නිවසින් බැහැරව ගතවෙන මේ කාලයේ, මේ සතියේ දින හතරක් ම ගෙවී ගිහින්. සතුටින් ගත
කරන්න බිරිඳ හා දරු පැටවුන් සමග,
දින දෙකක් උදෙසා නැවත මම මගේ අවට ලෝකය වෙනස් කරනවා හෙට දිනයේ.
ඈතින් පෙනෙන පහන් කණු වල ආලෝකය වැව් ජලයේ පින්තාරු කළ හැඩ තල කෙමෙන් මැකී යන මැදියම් අඳුරේ අප වසා ගත් මීදුම් වලා අවට පරිසරය සිප ගන්නා මෙවන් වෙලාවක සිතට නැගෙන සිතුවිලි වචන වලට පෙරලන්නට මා ගන්නා අවස්ථාවකි මේ.
එය සාර්ථක දැයි දන්නේ මේ වෙලාවේ මෙහි නොසිටින ඔබම පමණි.
හෙට උදාවන දවස අදට වඩා සුබ වේවායි පතමි!
